මානවයාගේ සොයාගැනීම්

1අවධියෙන් අවධියට වැඩි වූ හැකියාවන්

• ඔස්ට්‍රලෝපිතිකස්: "මට පුළුවන්" - පාද දෙකෙන් ඇවිදීම, ස්වභාවික දේ මෙවලම් ලෙස භාවිතය
• හෝමෝ හැබිලිස්: "මටත් පුළුවන්" - ගල් මෙවලම් නිපදවීම
• හෝමෝ ඉරෙක්ටස්: "මට තවත් පුළුවන්" - ගින්දර භාවිතය, දඩයම් මෙවලම්
• නියන්ඩර්තාල්: "මට ගොඩක් පුළුවන්" - ඇඳුම්, භූමදානය, කණ්ඩායම් ජීවිතය
• හෝමෝ සේපියන්: "මට තවත් ගොඩක් පුළුවන්" - භාෂාව, චිත්‍ර, විශ්වාස, විවිධ මෙවලම්

2ගින්දර සහ මෙවලම්

ගින්දර සොයා ගැනීමෙන් ආහාර පිසින්න, සීතලෙන් සහ වන සතුන්ගෙන් ආරක්ෂා වෙන්න, රාත්‍රියේ ආලෝකය ලබා ගන්න පුළුවන් වුණා.

මෙවලම් දියුණු වීමෙන් දඩයම, ආහාර කැපීම, හම් ගැලවීම, ගස් කැපීම වැනි වැඩ පහසු වුණා.

අදත් අපි ගින්දර (ලිප, ගෑස් ලිප, කම්මල) සහ මෙවලම් (පිහිය, උදැල්ල, මිටිය, කතුර) දිනපතා භාවිත කරනවා.

3ගුහා චිත්‍ර

චිත්‍ර ඇඳීම ආදි මිනිසාගේ විශිෂ්ට හැකියාවක්. අවුරුදු 35,000කට පමණ පෙර ඔවුන් ගුහාවල චිත්‍ර ඇන්දා. ඒවා ගුහා චිත්‍ර ලෙස හඳුන්වනවා, ඔවුන්ගේ එදිනෙදා ජීවිතය ඒවායේ පෙන්වනවා.

ප්‍රසිද්ධ ගුහා චිත්‍ර ස්පාඤ්ඤයේ අල්ටාමීරා ගුහාවේ තියෙනවා. මීටර 270ක් පමණ දිග මේ ගුහාවේ බිත්තිවල සහ වහලේ චිත්‍ර බොහොමයක් තියෙනවා. ඒවායේ වැඩිපුරම බයිසන් සතුන්, ඒ වගේම මුවන් සහ අශ්වයන් ඇඳලා තියෙනවා.

වැඩිපුරම භාවිත කළ වර්ණ රතු සහ කළු (දුඹුරු ද).

චිත්‍ර, භාෂාව, ලිවීම, සංගීතය සහ අද ජංගම දුරකථන: මේ හැම එකක්ම අදහස් ප්‍රකාශ කරන සහ හුවමාරු කරන ක්‍රම.

4ඔබේ හැකියාවන් සහ රට

ආදි මිනිසා තම හැකියාවන්ගෙන් අභියෝග ජය ගත්තා වගේම, ඔබටත් විශේෂ හැකියාවන් තියෙනවා: චිත්‍ර, ගායනය, ක්‍රීඩා, ගණිතය, තාක්ෂණය, කතා කිරීම.

ඔබේ හැකියාවන් දෙකක් සහ ඔබේ ඉලක්කය ලියන්න. ඒ හැකියාවන්ගෙන් රටේ අනාගත දියුණුවට කරන්න පුළුවන් දේ ගැන හිතන්න.