මානව පරිණාමය සොයන හැටි

1මිනිසා අනෙක් සතුන්ගෙන් වෙනස් ඇයි?

මිනිසාට උසස් මනසක් තියෙනවා. මනසින් සිතන්නත්, අලුත් දේ නිර්මාණය කරන්නත් ඇති හැකියාව නිසා අද මිනිසා අභ්‍යවකාශය පවා ගවේෂණය කරනවා.

මිනිසා බිහි වුණේ අවුරුදු ලක්ෂ ගණනකට පෙර. ඒ කතාව සොයා ගන්න රටවල් ගණනාවක විද්වතුන් පර්යේෂණ කළා.

2මානව පරිණාමයේ සාධක

ආදි මිනිසුන් ජීවත් වූ ප්‍රදේශ හඳුනාගෙන, පුරාවිද්‍යා කැණීම් මගින් බොහෝ සාධක සොයා ගත්තා.

• මිලියන ගණනක් අවුරුදුවලට පෙර ජීවත් වූ සතුන්ගේ අස්ථි, ශාක කොටස් සහ පොසිල
• විවිධ මිනිසුන්ගේ ඇටසැකිලි
• මිනිසුන් ජීවත් වූ එළිමහන් ස්ථාන සහ ගල් ගුහා
• මිනිසුන් භාවිත කළ විවිධ මෙවලම්
• ඒ කාලයේ සතුන්ගේ අස්ථි කොටස්

ඒ කාලයේ ලිවීම නොතිබුණු නිසා, මේ සාධක ඇසුරෙන් පසු කාලයේ ලියූ පොත්, සිතියම්, ඡායාරූප සහ චිත්‍රවලින් අපි මානව පරිණාමය ගැන ඉගෙන ගන්නවා.

3පොසිල (Fossils)

පොසිල කියන්නේ අතීතයේ ජීවත් වූ මිනිසුන්, සතුන් සහ ශාකවල ඉතිරි වූ කොටස් (Remains) සහ සලකුණු (Marks).

• සත්ව අස්ථි, මළපහ, දත්, ශාක පතුරු සහ බීජ
• සතුන්ගේ පා සලකුණු හෝ අත් සලකුණු
• පොසිල හැදෙන්නේ ඉක්මනින් දිරා නොයන කොටස්වලින්
• පොසිලයක් හැදෙන්න අවුරුදු මිලියන ගණනක් ගත වෙනවා

4මෙවලම් (Tools)

මෙවලම් කියන්නේ විවිධ වැඩ පහසුවෙන් කරගන්න භාවිත කළ උපකරණ. ඒවා හදන්න ගල්, දැව, මැටි සහ ලෝහ භාවිත කළා.

පැරණි මිනිසුන්ගේ මෙවලම් ඔවුන්ගේ හැකියාවන් සහ ජීවන රටාව ගැන තොරතුරු දෙනවා.

ආදි මිනිසා පිළිබඳ කැණීම් කළ ප්‍රධාන ස්ථාන අප්‍රිකාව, යුරෝපය, ආසියාව සහ ඕස්ට්‍රේලියාව යන මහාද්වීපවල තියෙනවා.

පොසිල සහ ගල් මෙවලම් සොයා ගත් තැනක් කියන්නේ ආදි මිනිසා ජීවත් වූ තැනක් ගැන ලැබෙන සාධකයක්.