සත්ත්ව විවිධත්වය

1සත්තු ජීවත් වන තැන්

• ගොඩබිම: අලියා, හාවා, කූඩැල්ලා
• ජලයේ: මාළුවා, කකුළුවා, ඩොල්ෆින්
• ජලයේ සහ ගොඩබිම දෙකේම: ගෙම්බා, කිඹුලා
• අහසේ පියාසර කරන: කුරුල්ලා, සමනලයා, වවුලා

සත්තු ගමන් කරන්නේ ඇවිදීමෙන්, දිව යාමෙන්, පිහිනීමෙන්, පියාසර කිරීමෙන්, බඩගා යාමෙන් සහ පැනීමෙන්.

2කශේරුකාවන් සහ අකශේරුකාවන්

සමහර සතුන්ගේ ශරීරය ඇතුළේ කොඳු ඇට පෙළක් තියෙනවා. ඔවුන් කශේරුකාවන්. උදාහරණ: මාළුවා, ගෙම්බා, කටුස්සා, කුරුල්ලා, බල්ලා.

කොඳු ඇට පෙළක් නැති සතුන් අකශේරුකාවන්. උදාහරණ: පණුවා, ගොළුබෙල්ලා, කෘමීන්, මකුළුවා, කකුළුවා.

පෘථිවියේ ඉන්න සත්ත්ව විශේෂවලින් වැඩි හරියක් අකශේරුකාවන්, විශේෂයෙන්ම කෘමීන්.

3කශේරුකාවන්ගේ කාණ්ඩ පහ

• මත්ස්‍යයෝ: ජලයේ ජීවත් වෙනවා, කරමල් මගින් ශ්වසනය, ශරීරය කොරපොතුවලින් වැසී ඇත. උදා: තිලාපියා
• උභයජීවීන්: ජලයේත් ගොඩබිමත් ජීවත් වෙනවා, තෙත් සමක් තියෙනවා. උදා: ගෙම්බා
• උරගයෝ: වියළි කොරපොතු සහිත සමක් තියෙනවා. උදා: කටුස්සා, නයා, කැස්බෑවා
• පක්ෂීන්: පිහාටුවලින් වැසී ඇත, බිත්තර දමනවා. උදා: කපුටා, කුකුළා
• ක්ෂීරපායීන්: රෝමවලින් වැසී ඇත, පැටවුන්ට කිරි දෙනවා. උදා: එළදෙන, මිනිසා, වවුලා