6 ශ්‍රේණිය · ICT · මොඩියුලය 01 · පාඩම 05

නිවැරදි ඉරියව් හුරු කර ගනිමු

පරිගණකය භාවිත කරද්දී නිවැරදිව වාඩි වී (Correct Posture), අපේ සෞඛ්‍යය රැක ගනිමු.

මේ පාඩම ඉගෙන ගත්තාම ඔබට පුළුවන්:
  • පරිගණකය භාවිතයේදී නිවැරදිව වාඩි වීමට
  • නිවැරදි ඇස් මට්ටම පවත්වා ගැනීමට
  • යතුරු පුවරුව සහ මූසිකය භාවිතයේදී අත් නිවැරදිව තබා ගැනීමට
1

මිනෝලිගේ ප්‍රශ්නය

අයියාට මොකද වුණේ?

මිනෝලිගේ අයියා කාර්යාලයේදී නිරන්තරයෙන්ම පරිගණකය භාවිත කරනවා. ඔහු කියනවා ඔහුගේ බෙල්ලේ, කොන්දේ සහ අත්වල මැණික් කටුවේ වේදනාවක් තියෙනවා කියලා.

මේක සිදු වෙන්නේ ඇයි? වැරදි ඉරියව්වෙන් දිගු වේලාවක් වැඩ කිරීම තමයි හේතුව!

🏠 පෙර සූදානම – ප්‍රජාව සමඟ වැඩ

  • දිගු වේලාවක් පරිගණකය සමඟ වැඩ කරන අයගෙන් ශරීරයේ වේදනා ඇති වෙනවාද කියලා අහන්න.
  • ඒ තොරතුරු සටහන් කරගෙන පන්තියට ගෙනෙන්න.
2

නිවැරදි ඉරියව් හඳුනා ගනිමු

නිවැරදිව වාඩි වීම

  • පිට කෙළින් තබා පුටුවේ පිටුපසට හේත්තු වන්න.
  • පාද දෙකම බිම තබන්න.

නිවැරදි ඇස් මට්ටම

  • තිරයේ ඉහළ කොටස ඇස් මට්ටමේ තබන්න.
  • තිරය අත් දිගක පමණ දුරින් තබන්න.

යතුරු පුවරුවේ අත්

  • වැලමිට සිට මැණික් කටුව දක්වා අත කෙළින් තබන්න.
  • මැණික් කටුව නවන්න එපා.

මූසිකයේ අත

  • අත සහ මැණික් කටුව එකම රේඛාවේ තබන්න.
  • මූසිකය සැහැල්ලුවෙන් අල්ලන්න.
3

හරි ඉරියව්ව තෝරමු

🧍 A ද? B ද?

රූප දෙකෙන් නිවැරදි ඉරියව්ව ඇති රූපය ඔබන්න.

4

ඇස් සහ ශරීරය රැක ගනිමු

ඇස් රකිමු
👀 20·20·20

20-20-20 රීතිය

විනාඩි 20කට වරක්, අඩි 20ක් (මීටර් 6ක් පමණ) ඈතින් ඇති දෙයක් තත්පර 20ක් බලන්න.

ඇස් රකිමු
😉

ඇස් පියන්න

තිරය දිහා බලාගෙන ඉද්දී අපි ඇස් පියන එක අඩු කරනවා. නිතර ඇස් පියමින් ඇස් තෙත්ව තබා ගන්න.

ශරීරය රකිමු
🤸

විවේක ගන්න

දිගු වේලාවක් වාඩි වී ඉන්නේ නැතිව, නැගිට ඇවිදලා, අත් පා දිගු කරලා ආපහු වැඩ පටන් ගන්න.

✅ හරිද? වැරදිද?

නිවැරදි නම් ✓ ද, වැරදි නම් ✗ ද ඔබන්න.

5

මට පුළුවන්ද? ✅

ඔබට ඉටු කළ හැකි කාර්යයන් ඉදිරියේ ඇති කොටුව ලකුණු කරන්න.

මගේ ලකුණු: